Harry Potter රූපවාහිනි කතා මාලාවේ පළමු පූර්ව ප්‍රචාරක පටය අන්තර්ජාලයට..

ලොවපුරා ළමා හා වැඩිහිටියන් අතර එකසේ ජනප්‍රිය Harry Potter පොත් මාලාව ඔස්සේ නිෂ්පාදනය වන මේ වන විට ලොව වඩාත්ම බලාපොරොත්තු සහගත කතා මාලාව ලෙසෙ එළිදැක්වෙන Harry Potter රූපවාහිනි කතාමාලාවේ පළමු පූර්ව ප්‍රචාරක පඨය අන්තර්ජාලයට ඔස්සේ නිකුත් කර තිබෙනවා.

ඒ අනුව මේ වසරේ (2026) දෙසැම්බර් මාසයේදී HBO Max ස්ට්‍රීමින් සේවාව ඔස්සේ ප්‍රේක්ෂකයන්ට මෙය නැරඹීමට අවස්ථාව හිමිවෙනවා.

මෙහි පළමු කතා මාලාව (Season 01) “Harry Potter and the Philosopher’s Stone” ලෙස නම් කර ඇති අතර, J. K. Rowlingගේ ප්‍රසිද්ධ පළමු කෘතිය ආශ්‍රය කරගෙන මෙය නිර්මාණය වී තිබෙනවා.

මෙය පෙර චිත්‍රපටවලට වඩා මෙම කතාමාලාව විස්තරාත්මකව පෙන්වීමට බලාපොරොත්තුවන බවයි සඳහන් වන්නේ.

මෙම මාලාව HBO Max ඉතිහාසයේ විශාලතම streaming event එකක් වන බවට ඔවුන් අපේක්ෂා කරනවා.

හැරී පෝටර් ලෙස Dominic McLaughlin , හර්මියෝන් ග්‍රේන්ජර් ලෙස Arabella Stanton සහ රොන් වීස්ලි ලෙස Alastair Stout යන අය රංගනයෙන් දායක වන මෙම කතා මාලව සඳහා ප්‍රධාන චරිත ත්‍රිත්වය සඳහා ළමා නලු නිලියන් 32,000 පමණ අධික ප්‍රමාණයක් තිර පරීක්ෂණවලට සහභාගී වීමෙන් තෝරාගෙන තිබීම විශේෂත්වයක්.

පෙර චිත්‍රපටවල Harry ලෙස රංගනය කළ Daniel Radcliffe ද නව නළුවන් පිළිබඳ විශ්වාසය පළ කර තිබෙනවා.

තවද අල්බස් ඩම්බල්ඩෝර් ලෙස John Lithgow, මිනර්වා මැක්ගොනගල් ලෙස Janet McTeer ද, සෙවරුස් ස්නේප් ලෙස Paapa Essiedu ද, රුබියස් හැග්රිඩ් Nick Frost ද මෙම කතාමාලාවට රංගනයෙන් දායකවීමට නියමිත අතර වොල්ඩර්මෝට් චරිතය තවමත් රහසිගතව තබා ගැනීමට ස්ටූඩියෝව කටයුතු කර තිබෙනවා.

කෙසේ වෙතත් සෙවරස් ස්නේප් ලෙස ‍රංගනයේ යෙදෙන Paapa Essiedu කලු ජාතිකයෙක් වීම නිසා, J.K. Rowling විසින් harry potter කෘති මාලාවේ හඳුන්වන පෙනුමෙට ඔහු පරස්පර වීම නිසාවෙන් බොහෝ පාඨකයන් මෙන්ම ප්‍රේක්ෂකයන් ඔහුට විරුද්ධව අදහස් දක්වා ඇති අතර ඔහුට එම චරිතය රඟ නොපාන ලෙස මරණ තර්ජන පවා සිදුකර ඇති බවයි වාර්තා වෙන්නේ.