admin
2022 වසරේ ඉන්දියානු ණය යෝජනා ක්රමය යටතේ ලියාපදිංචි නොකළ සමාගමකින් ප්රසම්පාදන ක්රියාවලියට පටහැනිව සෞඛ්ය සැපයුම් මිල දී ගැනීම තුළින් හිටපු සෞඛ්ය අමාත්ය කෙහෙළිය රඹුක්වැල්ල ඇතුළු පිරිසක් මූලික අයිතිවාසිකම් උල්ලංඝණය කර ඇතැයි ශ්රේෂ්ඨාධිකරණය තීන්දු කර තිබේ.
ඒ අනුව, හිටපු සෞඛ්ය අමාත්යය කෙහෙළිය රඹුක්වැල්ල සිය පෞද්ගලික මුදල්වලින් රුපියල් මිලියන 75ක මුදලක් රජයට ගෙවිය යුතු බව ශ්රේෂ්ඨාධිකරණය නියෝග කර ඇත.
එමෙන් ම, සෞඛ්ය අමාත්යාංශයේ එවක ලේකම් ජනක චන්ද්රගුප්ත රුපියල් මිලියන 50ක මුදලක් ද, ජාතික ඖෂධ නියාමන අධිකාරියේ හිටපු සභාපති මහාචාර්ය එස්.ඩී. ජයරත්න රුපියල් මිලියන 50ක මුදලක් ද රජයට ගෙවිය යුතු බව ශ්රේෂ්ඨාධිකරණය නියෝග කර තිබේ.
ඊට අමතරව, ජාතික ඖෂධ නියාමන අධිකාරියේ ප්රධාන විධායක නිලධාරී වෛද්ය විජිත් ගුණසේකර සහ වෛද්ය සැපයුම් අංශයේ හිටපු අධ්යක්ෂ වෛද්ය තුසිත සුදර්ශන තවත් මිලියන 50ක් ද වන්දි වශයෙන් රජයට ගෙවිය යුතු බව නියෝග කර ඇත.
ට්රාන්ස්පේරන්සි ඉන්ටර්නැෂනල් ශ්රී ලංකා ආයතනය ඇතුළු පාර්ශව දෙකක් ඉදිරිපත් කළ මූලික අයිතිවාසිකම් පෙත්සමක් විභාගයට ගැනීමෙන් අනතුරුව අගවිනිසුරු ප්රීති පද්මන්ට සූරසේන ප්රමුඛ ත්රිපුද්ගල ශ්රේෂ්ඨාධිකරණ විනිසුරු මඩුල්ලක් විසින් මෙම නියෝගය ලබා දී තිබේ.
