admin
ඉරානය සහ අමෙරිකාව අතර පවතින ගැටුම් සමනය කර ගැනීම සඳහා පැවැත්වෙන සාකච්ඡා සාර්ථක වෙමින් පවතින බව ජනාධිපති ඩොනල්ඩ් ට්රම්ප් කළ ප්රකාශයත් සමඟ, අද ලෝක වෙළෙඳපොළේ බොරතෙල් මිල කැපී පෙනෙන ලෙස පහත වැටී ඇති බව විදෙස් වාර්තා පෙන්වා දෙයි.
ඒ අනු, බ්රෙන්ට් බොරතෙල් මිල 7% කින් පමණ පහත වැටී බැරලයක් ඩොලර් 99 ට වඩා අඩු අගයකට පැමිණ ඇති බව සඳහන් වේ.
අද උදෑසන එහි මිල ඩොලර් 114 ක් ලෙස සටහන්ව තිබුණි.
එසේම අමෙරිකානු WTI තෙල් මිල ද 8% කින් පහත වැටී බැරලයක් ඩොලර් 90 දක්වා අඩු වී ඇති බව පැවසේ.
සති අන්තයේ ඉරානයට දැඩි අනතුරු ඇඟවීම් නිකුත් කළ ජනාධිපති ට්රම්ප්, අද සිය ස්ථාවරය වෙනස් කරමින් කියා සිටියේ පසුගිය දින දෙක තුළ ඉරානය සමඟ “ඉතා යහපත් සහ ඵලදායී” සාකච්ඡා පැවැත්වූ බවය.
මේ හේතුවෙන් ඉරාන බලශක්ති පද්ධතියට එල්ල කිරීමට නියමිතව තිබූ ප්රහාර දින පහකට කල් තබන ලෙස ඔහු අමෙරිකානු යුද දෙපාර්තමේන්තුවට නියෝග කර තිබේ.
