ඉන්දියාවෙන් බිහිවූ සුපිරි දඟපන්දු යවන්නකු වන රවිචන්ද්රන් අශ්වින් ජාත්යන්තර ක්රිකට් පිටියෙන් සමුගන්නා බව ඊයේ නිවේදනය කර කියා සිටියේ බ්රිස්බේන්හිදී බෝඩර් – ගවස්කාර් ටෙස්ට් තරගය ජය පරාජයෙන් තොරව අවසන් වීමත් සමගය.
බ්රිස්බෙන් ටෙස්ට් තරගයෙන් පසු මාධ්ය හමුවේ අශ්වින් කියා සිටියේ ජාත්යන්තර මට්ටමේ සියලුම තරගයන්හි ඉන්දීය ක්රිකට් ක්රීඩකයකු ලෙස මෙම තරගය මගේ අවසාන තරගය වනු ඇති අතර මම රෝහිත් ෂර්මා සහ මගේ අනෙකුත් කණ්ඩායමේ සගයන් සමග එක්ව බොහෝ මතකයන් නිර්මාණය කර ඇති බවයි.
මට ස්තුති කිරීමට ගොඩක් අය සිටිනවා ඒ අතර මා යොමු කළ පන්දු පිතිකරුවන් එල්ල කරන ලද ප්රහාරවලින් විශිෂ්ට අයුරින් රැකගත් ප්රදාන පෙළේ ක්රීඩකයන් අතර රෝහිත්, විරාත් කෝලි, අජින්ක්යා රහෙනේ, චෙතස්වර් පුජාරා සිටිනවා.
ඉතිං වසර ගණනාවක් පුරා මම ලබාගත් කඩුලු සංඛ්යාව ලබාගත්තේ ඔවුන්ට පිං සිදුවන්නයි. අශ්වින් ටෙස්ට් තරග 106කට සහභාගි වී ඇති අතර කඩුලු 537ක් බිඳ දමා ඇති අතර එක්දින තරග 116කදී කඩුලු 156ක් ලබාගෙන ඇත. විස්සයි – 20 තරග 65කදී කඩුලු 72ක් අශ්වින් ලබාගෙන ඇත.
ටෙස්ට් තරගයකදී අශ්වින් ලකුණු 59කට කඩුලු 07ක් දවා ගැනීම ඔහුගේ හොඳම පන්දු යැවීමයි.
අශ්වින්ගේ එක්දින වාර්තා අතර ලකුණු 25කට කඩුලු 04ක් ද, විස්සයි – 20 තරගයකදී ලකුණු 08කට කඩුලු 08ක් ද ලබාගෙන තිබේ.
ටෙස්ට් පිතිකරුවකු ලෙස අශ්වින් හොඳම ඉනිම ලෙස ලකුණු 124ක් ලබාගෙන ඇත.
ටෙස්ට් තරගවලදී 11 වතාවක් තරගයේ වීරයා සම්මානය දිනා ඇත.
බටහිර ඉන්දීය කොදෙව්වන්ට එරෙහිව 2011 වර්ෂයේදී ජාත්යන්තර මංගල ටෙස්ට් වරම් දිනූ අශ්වින්, 2010 වසරේදී ශ්රී ලංකා කණ්ඩායමට එරෙහිව එක්දින වරම් ලබා ගත්තේය.
About The Author
