ඔන්න ඕස්ට්‍රේලියාව සහ ශ්‍රි ලංකාව අතර ටෙස්ට් ක්‍රිකට් තරගාවලියේ පලමු තරගය ආරම්භක පිතිකරු පැතුම් නිස්සංකට අහිමි වෙද්දි,

ඕස්ට්‍රේලියාව එයාලගේ සැලසුම් අපේ තණතීරු වලට ගැලපෙන විදිහට වෙනස් කරගෙන ආක්‍රමණශීලි ක්‍රීඩා රටාවක් බලාපොරොත්තුවෙන් කන්ඩායමේ ප්‍රභල් වෙනසක් සිදු කරලා තියෙනවා.

ඒ අනුව BGT සීරිස් එකේ කැපීපෙනෙන දක්ෂතා දක්වපු ඕස්ට්‍රේලියානු යොවුන් ආරම්භක පිතිකරු Sam Konstas වෙනුවට ට්‍රැවිස් හෙඩ් පලමු ටෙස්ට් තරගයේදී ආරම්භක පිතිකරු ලෙස උසමන් කවාජා සමග ඕස්ට්‍රේලියානු ඉනිම ආරම්භ කරන්න ලකලෑස්ති වෙනවා.

මේ වෙනස්කම ගේන්න නායක ස්මිත් හේතුව විදිහට සදහන් කරන්නේ ට්‍රැවිස් හෙඩ් දඟ පන්දු යවන්නන්ට එරෙහිව දක්වන ආක්‍රමණශීලි ක්‍රීඩා රටාව. ඔවුන් බලාපොරොත්තු වෙන විදිහට ට්‍රැවිස් හෙඩ්ට අපේ දඟ පන්දු යවන්නන්ට එරෙහිව ප්‍රතිප්‍රහාර එල්ල කරන්න පුළුවන් වුනොත් ඒක ඕස්ට්‍රේලියානු කන්ඩායමේ සෙසු පිතිකරුවන්ට ලොකු වාසියක් වෙනවා.

ඒ අනුව මෙතෙක් ට්‍රැවිස් හෙඩ් ක්‍රීඩා කල නොම්බර පහ ස්ථානය දක්වා Sam Konstas, Josh Inglis, McSweeny සහ Cooper Connolly අතරේ තරගයක් පවතිනවා.

ට්‍රැවිස් හෙඩ් ආරම්භක පිතිකරුවෙක් ලෙස ටෙස්ට් පිටියේ 55.75ක පිතිකරන සාමාන්‍යයකට හිමිකම් කියනවා. එය ඔහුගේ හොඳම පිතිකරන සාමාන්‍යය වෙනවා.

✍ | Rishie Bro