ශ්‍රි ලංකා හිටපු නායක දසුන් ශානකව විනය කමිටුව ඉදිරියට ගෙන එමට ශ්‍රී ලංකා ක්‍රිකට් තීරණය කර ඇතැයි වාර්තා වෙනවා.

ඒ ඩුබායි කැපිටල්ස් කණ්ඩායම නියෝජනය කරමින් නිමා වූ ILT20 තරගාවලියට සහභාගි වෙමින් සිටි දසුන් ශානක පසුගියදා යලිත් ලංකාවට පැමිණෙන්නේ තමන් ක්‍රීඩා කරන අන්තර් සමාජ තෙදින තරගාවලියේ අන්තිම අඩියට වැටුනු ප්‍රභල SSC කන්ඩායම වෙනුවෙන් ක්‍රීඩා කිරීමට ය.

ඒ ජනවාරි 31 දින ආරම්භ වූ මුවරස් කන්ඩායම එරෙහි තරගයට ය. එහිදී මුවර්ස් කන්ඩායම ලකුණු 412/9 රැස් කල අතර SSC පිල කඩුලු පහක් ලකුණු 77කට දැවී ගොස් තිබියදී පිටියට පිවිසි ශානක වේගවත් ශතකයක් ලබා ගනිමින් සිය පිල තරමක ස්ථාවර තත්වයකට ගෙන ආවේය.

තරගයේ තුන්වන දිනයේදී (පෙබරවාරි 2) උදෑසන පන්දුවක් වැදීම නිසා දිවා ආහාරයෙන් පසු වෛද්‍ය උපදෙස් මත තරගයේ තීරක දසුන් ශානක හට විවේක ගන්නා ලෙස නියම කර තිබිණ.

එසේ ආබාධ වී විවේක ගැනීමට නියම කල ශානක ඊට පැය කිහිපයකට පසුව යලි මතු වන්නේ ඩුබායි රාජ්‍යයේ ය.
ඒ ඔහු ඒ වනවිට ක්‍රීඩා කරමින් සිටි ILT20 තරගාවලියේ ඩුබායි කැපිටල්ස් කන්ඩායම වෙනුවෙන් ඔහු පිතිකරුවෙක් ලෙස පැමිණ එදිනම රාත්‍රියේ දක්ෂතා දක්වන්නට සමත් විය.

මේ පිලිබඳ එස් එස් සී ක්‍රිකට් කමිටු ප්‍රධානී සමන්ත දොඩන්වල මහතා පවසන්නේ දසුන් ඩුබායි බලා පිටත්ව ගොස් ඇත්තේ කණ්ඩායම දැනුවත්කර නොමැතිව බවයි. ඔහු මේ පිලිබඳව විනය පරීක්ෂනයක් පවත්වන ලෙස ශ්‍රී ලංකා ක්‍රිකට් ප්‍රධාන විධායක ඈෂ්ලි සිල්වා ගෙන් ඉල්ලා ඇති බවත් ඈෂ්ලි මහතා එය සනාථ කල බවත් සුප්‍රසිද්ධ ක්‍රීඩා සඟරාවක් වන විස්ඩන් වෙබ් අඩවිය විසින් වාර්තා කර ඇත.