admin
මැද පෙරදිග යුද්ධය මධ්යයේ ‘සෙබළුන්ගේ හිඟයක්’ හේතුවෙන් ඊශ්රායල හමුදාව ‘තමන්ගේ අභ්යන්තරයෙන් ම බිඳ වැටිය හැකි’ බව ඊශ්රායල ආරක්ෂක බළකායේ මාණ්ඩලික ප්රධානී ලුතිනන් ජෙනරාල් එයල් සාමීර් අනතුරු අඟවා ඇතැයි ටයිම්ස් ඔෆ් ඊශ්රායල් පුවත් සේවය වාර්තා කරයි.
ඊශ්රායල ආරක්ෂක කැබිනට් හමුවේදී ඔහු මේ පිළිබඳව සඳහන් කර ඇත.
ඊශ්රායල හමුදා මූලාශ්ර උපුටා දක්වමින් මාධ්ය වාර්තා කර ඇත්තේ, ගාසා තීරය, ලෙබනනය, සිරියාව ඇතුළු එකවර කලාප කිහිපයක යුද්ධය ක්රියාත්මක වීම හේතුවෙන් ප්රමාණවත් තරම් භට පිරිස් ඊශ්රායලයට නොමැති බව ත් ය.
ඊශ්රායල ආරක්ෂක බලකායේ මාණ්ඩලික ප්රධානීයා තවදුරටත් පවසා ඇත්තේ, සොල්දාදුවන් දීර්ඝ කාලයක් සේවයේ තබා ගැනීම සඳහා නව නීති සම්පාදනය කළ යුතු බව ත් එසේ නොවුවහොත්, ඊශ්රායල හමුදාවට නිසි ලෙස කටයුතු කිරීමට නොහැකි වී පද්ධතිය බිඳ වැටෙනු ඇති බව ත් ය.
කෙසේ වෙතත්, ආරක්ෂාව හොඳින් හසුරුවා නොගැනීම සහ ප්රමාණවත් පුද්ගලයින් බඳවා නොගැනීම සම්බන්ධයෙන් විපක්ෂ නායකයින් රජයට දොස් පවරා ඇතැයි ටයිම්ස් ඔෆ් ඊශ්රායල් පුවත් සේවය වාර්තා කර ඇත.
මේ සම්බන්ධයෙන් ඊශ්රායල රජය පවසන්නේ, මෙය නීතිමය ප්රශ්නයක් මිස ඊශ්රායල හමුදාවේ අසාර්ථකත්වය නොවන බව ත් ය.
