මේ දිනවල සමාජ මාධ්ය හරහාත්, බස් රථ මගීන් අතරත් වැඩිපුරම කතාබහට ලක් වෙන්නේ මේ ලස්සන වෙන කොටුව ගැනයි.
මෙවර සිංහල හා දෙමළ අලුත් අවුරුද්දට පෙර ජනතාවට විවෘත කිරීමට නියමිත මේ නවීකරණ ව්යාපෘතියේ විශේෂතා කිහිපයක් ගැන කතා පැතිරෙනවා.
ඒ තමයි මගීන්ට විවේක ගැනීමට නවීන ආසන පද්ධති, පිරිසිදු වැසිකිළි පද්ධතියක් හා මගී තොරතුරු පද්ධති මෙහි අලුතින්ම එකතු වෙනවා.
“කොටුව කියන්නේ මහ අපායක්’ කියපු මිනිස්සුන්ට මේක පුදුම හිතෙන වෙනසක් වේවි කියලා බොහෝ දෙනා බලාපොරොත්තු වෙනවා.
හැබැයි මේ අලුත් පෙනුම කොයිතරම් කාලයක් මේ විදිහටම පවත්වාගෙන යාවිද කියන එක ගැනත් සමාජ මාධ්යවල දැඩි ලෙස කතා වෙනවා.
කොහොම වුණත් මේ අවුරුද්දේ කොටුව බස් නැවතුමට ගිහින් ගමට යන මගීන්ට නම් කොටුවේදී අලුත් අත්දැකීම විඳගන්න අවස්ථාව හිමිවේවි..





