“අපි දැන් තුන්දෙනෙක්” (We are now three) කියලා ඇය දාපු මේ කැප්ෂන් එකත් එක්ක රසිකයෝ අතර ලොකු කුතුහලයක් වගේම කලබලයක් ඇති වුණා.

උදයිපූර්වල පැවැත්වුණු රාජකීය විවාහයෙන් පස්සේ මේ ලැබුණු “සුබ ආරංචිය” ගැන හැමෝම එක එක කතා හදන්න ගත්තේ විනාඩි කිහිපයක් ඇතුළතයි.

රශ්මිකාගේ මේ පෝස්ට් එකට පැය කිහිපයක් ඇතුළත සුබ පැතුම් වැස්සක් ලැබුණු අතර, බොහෝ දෙනෙක් හිතුවේ මේ යුවළගේ ජීවිතයට අලුත් අමුත්තෙක් එන්න යනවා කියලයි.

හැබැයි මේ කතාවේ ඇත්තම පැත්ත ඊට වඩා ගොඩක් වෙනස් සහ නිර්මාණශීලී එකක් බව පස්සේ තමයි හෙළි වුණේ.

ඇත්තටම මේ රශ්මිකා කියපු “තුන්වැන්නා” කවුද? රශ්මිකා බෙදාගෙන තිබුණේ ඇය සහ විජේ සමඟ ඉන්න ලස්සන Animation වීඩියෝ එකක්.

එහි ඔවුන් දෙන්නාට අමතරව ඉන්නේ “රූ” (Roo) නමින් හඳුන්වන ඩිජිටල් සූරියකාන්ත චරිතයක්. රශ්මිකා කාලයක ඉඳන්ම Animation කලාවට තියෙන ඇල්ම නිසා නිර්මාණය කරපු මේ “රූ” කියන චරිතය හරහා ඇය උත්සාහ කරන්නේ ලෝකයට ධනාත්මක සහ ආදර්ශමත් පණිවිඩ ලබා දෙන්නයි.

මෙතෙක් කල් “රශ්මිකා සහ රූ” විදිහට තිබුණු මේ ඩිජිටල් කතන්දර පෙළට දැන් විජේ දේවරකොන්ඩාගේ චරිතයත් එකතු වෙලා තියෙනවා.

ඉතින් රශ්මිකා “අපි දැන් තුන්දෙනෙක්” කියලා කිව්වේ මේ නිර්මාණාත්මක වැඩේට විජේවත් හවුල් කරගත්තා කියන එක මිසක් ඔවුන්ගේ පෞද්ගලික ජීවිතයට ආපු තුන්වැන්නෙක් ගැන නෙමෙයි.

මොනවා වුණත් රශ්මිකාගේ මේ අපූරු ප්‍රචාරණ උපක්‍රමය නිසා දැන් මුළු ඉන්දියාවම ආයෙත් රශ්මිකා-විජේ ගැන ආදරෙන් කතා වෙන්න පටන් අරන්!