ලංකාවේ දේශගුණය දැන් ටිකක් වෙනස් විදියට හැසිරෙන බව පේනවා.
අද දවස ගැන කාලගුණ විද්යා දෙපාර්තමේන්තුවෙන් නිකුත් කරපු අලුත්ම නිවේදනයෙන් කියවෙන්නේ හවස 2න් පස්සේ ලංකාවේ පැති කිහිපයකට වැසි ඇති විය හැකි බවයි.
ඔබ ජීවත් වෙන්නේ බස්නාහිර හෝ සබරගමුව පළාත්වලද? එහෙම නැත්නම් ගාල්ල, මාතර සහ නුවරඑළිය පැත්තේ කෙනෙක්ද? එහෙනම් අද හවස 2න් පස්සේ වැස්සට ලෑස්ති වෙලා ඉන්න වේවි. මේ ප්රදේශවලට තැනින් තැන වැසි හෝ ගිගුරුම් සහිත වැසි ඇති විය හැකි බවයි වාර්තා වෙන්නේ.
වැස්ස එන්න කලින් අද උදෑසන කාලයේදී බස්නාහිර, මධ්යම, සබරගමුව, ඌව පළාත්වලත්, ගාල්ල, මාතර සහ කුරුණෑගල දිස්ත්රික්කවලත් ඇතැම් ස්ථානවල ලස්සන මීදුම් සහිත තත්ත්වයක් දකින්න ලැබෙන්න පුළුවන්. ඒත් දිවයිනේ සෙසු බොහෝ ප්රදේශවල පවතින්නේ රස්නය වැඩි වියළි කාලගුණයක්.
වැස්සත් එක්කම එන අකුණු සහ තාවකාලික තද සුළං ගැන විශේෂ අවධානයක් යොමු කරන්න කියලා කාලගුණ විද්යා දෙපාර්තමේන්තුව ජනතාවගෙන් ඉල්ලීමක් කරනවා. අකුණු අනතුරු අවම කරගන්න අවශ්ය පියවර ගන්න එක හැමෝටම හොඳයි.
About The Author
