ඇත්තටම මේක හිත කීරි ගැහෙන, අහන්නත් අමාරු පුවතක්.
මහනුවර ප්රදේශයම අද (02) උදෑසන කඳුළින් තෙත් වුණේ කාගෙත් හිත සසල කළ බිහිසුණු අනතුරක් නිසයි.
මහනුවර ප්රකට පාසල් දෙකක් වන ශාන්ත සිල්වෙස්තර සහ විද්යාර්ථ විද්යාල අතර පැවැත්වෙන වාර්ෂික මහා ක්රිකට් තරගයේ උණුසුම අස්සේ, ඒ වෙනුවෙන්ම කැපවුණු තරුණ ජීවිත දෙකක් අකාලයේ නිවී ගිහින්.
වාර්ෂික ක්රිකට් තරගයේ සංවිධාන කටයුතුවලට සහ ප්රවේශ පත්ර පරීක්ෂා කිරීමේ වගකීම ඉටු කරන්නට ඉතා උද්යෝගයෙන් උදෑසනම යතුරුපැදියෙන් ගිය මේ සිසුන් දෙදෙනාට, පල්ලේකැලේ රත්මල්ඔය පාලම අසළදී බස් රථයක් හරස් වෙලා තිබුණේ කාටත් හිතාගන්නවත් බැරි විදියටයි.
අනතුර සිදුවූ ස්ථානයේදීම එක් සිසුවෙක් සමුගත් අතර, අනෙක් සිසුවා ජීවිතය වෙනුවෙන් දැඩි සත්කාර ඒකකයේ සටන් කළත්, අවාසනාවන්ත ලෙස ඔහුත් මීට සුළු මොහොතකට පෙර ජීවිතයෙන් සමුගෙන තිබෙනවා. 13 වැනි වසරේ ඉගෙනුම ලබමින් සිටි, අනාගතය ගැන දහසකුත් බලාපොරොත්තු තිබුණු මේ තරුණ ජීවිත දෙකේ සමුගැනීම දරාගන්න පාසල් මිතුරන්ට වගේම පවුලේ උදවියටත් ලෙහෙසි වෙන්නේ නැහැ.
About The Author
